ایرانی میزائل ٹیکنالوجی کے بارے میں دشمنوں کا بیان نادانی کا مظہر ہے
ایران دشمنوں کی کوئی پرواہ کئے بغیر ضرورت کے مطابق میزائل تیار کرتا رہے گا
ایران کے صدر ڈاکٹر حسن روحانی نے کہا ہے کہ ایران کی میزائلی طاقت کے بارے میں دشمنوں کا بیان ان کی نادانی کا مظہر ہے اس لئے کہ ایران کی طاقت قوم پر اس کا یقین و اعتماد ہے۔
شیئرینگ :
ایران کے صدر ڈاکٹر حسن روحانی نے کہا ہے کہ ایران کی میزائلی طاقت کے بارے میں دشمنوں کا بیان ان کی نادانی کا مظہر ہے اس لئے کہ ایران کی طاقت قوم پر اس کا یقین و اعتماد ہے۔
صدر مملکت ڈاکٹر حسن روحانی نے بدھ کے روز کابینہ کے اجلاس میں کہا ہے کہ ایران کی طاقت صرف میزائل ہی نہیں ہے تاہم ایران دشمنوں کی کوئی پرواہ کئے بغیر ضرورت کے مطابق میزائل تیار کرتا رہے گا۔انھوں نے ایرانی قوم کے دشمنوں کو مخاطب کرتے ہوئے کہا کہ ایران پر عراق کی صدام حکومت کی جارحیت کے زمانے میں دشمنوں کے پاس میزائل اور طیارے بہت زیادہ تھے اور ان دشمنوں نے صدام کو جدید ترین جنگی طیاروں، ٹینکوں، توپوں اور کیمیائی ہتھیاروں سے لیس کر رکھا تھا مگر ایرانی قوم نے اپنے جذبہ ایمان، اتحاد و یکجہتی اور ولی فقیہ کی اطاعت کرتے ہوئے شاندار کامیابی حاصل کی۔صدر مملکت نے اسی طرح خرم شہر کی آزادی کا ذکر کرتے ہوئے کہا کہ ایران پر عراق کی مسلط کردہ جنگ میں پوری دنیا، ایرانی قوم کے سامنے آ کھڑی ہوئی تھی پھر بھی ایرانی قوم نے ایک بڑا معجزہ کر دکھایا۔ڈاکٹر حسن روحانی نے کہا کہ ایران پر حملے میں صدام حکومت کی فوج کے لئے علاقے کے عرب ملکوں کی جانب سے ہمہ جہتی حمایت کے اعتراف نے اس بات کو ثابت کر دیا کہ تین خرداد مطابق چوبیس مئی کو خرم شہر کی آزادی، جارح دشمن کے مقابلے میں ایرانی قوم کی سب سے بڑی اور زبردست کامیابی تھی۔
اسرائیلی قیدیوں کے اہل خانہ کی کمیٹی نے اعلان کیا ہے: غزہ کی گلیوں میں السنور کی موجودگی اور سرنگوں میں قیدیوں کے مرنے کا مطلب جنگ میں "اسرائیل" کی شکست ہے۔