صدر ایمانوئل میکروں نے شہریوں کو کورونا کے سبب گھروں میں رہنے کا حکم دے دیا

فرانسیسی صدر ایمانوئل میکروں نے شہریوں کو حکم دیا ہے کہ وہ آج سے اپنے گھروں تک محدود رہیں۔
بین الاقوامی خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ فرانسیسی صدر ایمانوئل میکروں نے شہریوں کو حکم دیا ہے کہ وہ آج سے اپنے گھروں تک محدود رہیں۔ تمام شہری کم از کم 15دن کیلئے اپنی نقل وحرکت سختی سے محدود کریں اورجتنا ممکن ہوسکے سماجی رابطوں میں کمی لائیں، میکرون نے مزید کہا کہ یورپی یونین نے اپنی بیرونی سرحدیں آئندہ ایک ماہ تک بند کرنے پر اتفاق کیا ہے ، انہوں نے مزید کہا کہ مالی پریشانی کے شکار شہریوں کو ٹیکسز کی ادائیگی میں چھوٹ دی جائیگی جبکہ مشکلات کا شکار درمیانے درجے اور چھوٹی کمپنیوں کے یوٹیلیٹی بلز اور کرایوں کو بھی معطل کیا جاسکتا ہے۔