اقوام متحدہ قرآن پاک کی بے حرمتی کی مذمت کرتی ہے

اقوام متحدہ کے نائب ترجمان فرحان حق نے اعلان کیا کہ اقوام متحدہ قرآن پاک کی بے حرمتی کی مذمت کرتی ہے۔

 اقوام متحدہ کے نائب ترجمان فرحان حق نے جمعہ کے روز مقامی وقت کے مطابق مزید کہا: اقوام متحدہ کے تہذیبوں کے اتحاد (UNAOC) کے اعلی نمائندے میگوئل موراتینوس نے بدھ کے روز قرآن پاک کے اوراق کو نذر آتش کرنے کی واضح الفاظ میں مذمت کی۔

اقوام متحدہ کے اعلیٰ نمائندے کا کہنا ہے کہ یہ عید الاضحی منانے والے مسلمانوں کی بے عزتی کا ایک بدصورت فعل ہے۔

انہوں نے مزید کہا: اقوام متحدہ کا اعلی نمائندہ ایک بنیادی انسانی حق کے طور پر آزادی اظہار کو برقرار رکھنے کی اہمیت پر زور دیتا ہے لیکن ساتھ ہی اس بات پر بھی زور دیتا ہے کہ مقدس کتابوں اور عبادت گاہوں کے ساتھ ساتھ مذہبی علامات کی بے حرمتی ناقابل قبول ہے اور یہ تشدد کا باعث بن سکتی ہے۔ 

اقوام متحدہ کے نائب ترجمان نے کہا: اقوام متحدہ کے سکریٹری جنرل انتونیو گوتریس اعلیٰ نمائندے کے خیالات کی حمایت کرتے ہیں۔