دمشق کے علاقے زینبیہ س کے داخلی دروازے پر دھماکہ

شام کے دارالحکومت دمشق کے نواحی علاقے زینبیہ (س) کے داخلی دروازے پر آج منگل کو ایک موٹر سائیکل میں دھماکہ ہوا۔

یہ موٹر سائیکل دمشق کے جنوب مشرقی مضافات میں الروضہ کے داخلی دروازے پر ایک بس کے پاس کھڑی تھی جب اس میں دھماکہ ہوا اور اس سے محدود نقصان ہوا۔

شام کی سرکاری خبر رساں ایجنسی (SANA) نے اطلاع دی ہے کہ دھماکے میں دو شہری زخمی ہوئے ہیں۔

شامی سکیورٹی فورسز نے اس دھماکے کی تحقیقات شروع کر دی ہیں۔