ایران کا سرحدوں پر خدمات فراہم کرنے کے لیے 12 فیلڈ اسپتالوں کے قیام کا اعلان

اسلامی جمہوریہ ایران کے صوبہ ایلام کے وزیر صحت نے ملک کی سرحدوں پر خدمات فراہم کرنے کے لیے 12 فیلڈ اسپتالوں کے قیام کا اعلان کیا۔

بہرام عین اللہی نے جمعہ کی صبح مہران کی سرحد پر صحافیوں کے ساتھ گفتگو کرتے ہوئے کہا: آج ہم عالم اسلام کی اس عظیم تحریک کے عملی میدان میں حاضر ہو کر عاشقان امام حسین ع کی خوشبو سے لطف اندوز ہوجائیں اور روی زمین کے بہترین لوگوں کو صحت کی خدمات فراہم کرنے والے قابل فخر خادمین میں شامل ہوں"۔

انہوں نے مزید کہا: دفاع مقدس (آٹھ سالہ جنگ) کے دوران میں نے ایلام صوبے کے باسیوں کے ایثار اور بہادری کا مشاہدہ کیا جنہوں نے ایلام شہر پر بمباری کے باوجود علاقہ نہیں چھوڑا اور آج وہی لوگ سب سے زیادہ زائرین کی میزبانی کرتے ہیں۔ میں ذاتی طور پر ایلام صوبے کی اس بہادر قوم کا شکریہ ادا کرتا ہوں۔

انہوں نے کہا: ہم نے اس عظیم انقلابی تحریک کے شرکاء کے لیے پورے ملک میں تقریباً بہت ساری سہولیات کو متحرک کرنے کی کوشش کی، تقریباً 370 ایمبولینسیں، 57 ایمبولینس بسیں، 12 فیلڈ اسپتال اور 12 ہیلی کاپٹر خدمات فراہم کرنے کے لیے کام کر رہے ہیں۔

وزیر صحت نے زائرین اربعین حسینی کی خدمت کے لیے ملک کے سرحدی علاقوں میں ایک ہزار سے زائد صحت اور معالجے کے عملے پر مشتمل کیڈر کو بھیجنے کا اعلان کیا۔

انہوں نے مزید کہا: گزشتہ سال سرحد پر صحت اور ہسپتال سے متعلق سہولیات اچھی نہیں تھیں کیونکہ وہ خیمے اور عارضی یونٹ تھے، 9 ماہ کے اندر مہران ٹرمینل میں تقریباً 40 ارب تومان کے قرضے سے صحت اور علاج کا مرکز بنایا گیا، اور اس مرکز میں 2,200 مربع میٹر کے رقبے میں 150 بستروں پر مشتمل ہسپتال مصروف خدمت ہے۔

انہوں نے کہا: اس میڈیکل سنٹر میں کولنگ ہال اور جدید طبی آلات موجود ہیں، اس کے علاوہ 8 کولڈ شیلٹرز، ایک کلینک اور بہت سے دوسرے شیلٹرز ہیں جہاں اگر کوئی شخص ہیٹ اسٹروک کا شکار ہو تو وہ ان شیلٹرز میں طبی خدمات حاصل کر سکتا ہے۔