حزب اللہ کا 60 میزائلوں سے میرون کے اسٹریٹیجک بیس پر حملہ

لبنانی حزب اللہ کی فورسز نے مقبوضہ علاقوں کے شمال میں صیہونی حکومت کے اسٹریٹجک ٹھکانے "میرون" کو 60 میزائلوں سے نشانہ بنایا۔

عرب میڈیا رپورٹس کے مطابق لبنان کی حزب اللہ نے مقبوضہ علاقوں کے شمال میں واقع "جبل الجرمق" کے علاقے کو متعدد میزائل سے نشانہ بنایا، جہاں اسٹریٹیجک میرون بیس بھی واقع ہے۔

اس حملے کے بعد عبرانی ذرائع نے اطلاع دی ہے کہ لبنانی سرزمین سے میرون اڈے کی طرف 60 میزائل اور راکٹ فائر کیے گئے۔

لبنان کی حزب اللہ نے بھی ایک بیان میں اعلان کیا: اس نے جبل الجرمق میں میرون اڈے پر ایئر کنٹرول یونٹ کے ہیڈ کوارٹر اور فضائی آپریشن کے شعبے کو درجنوں کاتیوشا میزائلوں سے نشانہ بنایا ۔

حزب اللہ نے نوٹ کیا کہ اس حملے سے میرون بیس کے سازوسامان کا ایک حصہ تباہ ہو گیا اور اس کے اندر آگ لگ گئی۔

حزب اللہ کے بیان میں یہ بھی کہا گیا ہے کہ یہ حملہ فلسطین کی حمایت اور  "ہادی" کے نام سے مشہور مجاہد میثم مصطفی العطار" کے قتل کے جواب میں کیا گیا ہے۔

میڈیا ذرائع نے اس لمحے کی تصاویر بھی شائع کیں جب اس اڈے سے دھواں اٹھ رہا تھا۔

لبنان کی اسلامی مزاحمت نے بھی ایک اور بیان میں اعلان کیا: ہم نے قابض فوجیوں کو گائیڈڈ میزائلوں سے نشانہ بنایا اور ان کا مشاہدہ کرنے کے بعد برکہ ریشہ اڈے کے مقررہ مقام تک پہنچ گئے۔

اس بیان میں مزید کہا گیا ہے کہ نشانہ بنائے گئے مقام کو براہ راست نشانہ بنایا گیا اور اس حملے میں آگ لگ گئی اور صیہونی حکومت کے فوجی ہلاک اور زخمی ہوئے۔