غزہ پٹی کے خلاف جنگ کے آغاز سے اب تک 5,331 صیہونی اہلکار اور فوجی زخمی

اپنے تازہ ترین اعدادوشمار میں صیہونی فوج نے اعتراف کیا ہے کہ غزہ پٹی کے خلاف جنگ کے آغاز سے اب تک 5,331 صیہونی اہلکار اور فوجی زخمی ہوچکے ہیں۔

صیہونی فوج نے خبر دی ہے کہ گزشتہ 24 گھنٹے کے دوران غزہ پٹی میں لڑائیوں میں 5 فوجی اور جنوبی لبنان میں ایک فوجی زخمی ہوا ہے۔

صیہونی فوج نے یہ بھی بتایا کہ 7 اکتوبر 2023 کو غزہ پٹی کے خلاف جنگ کے آغاز سے اب تک جنگی محاذوں پر 5,331 صیہونی فوجی زخمی ہوئے ہیں جن میں سے 779 کی حالت اچھی نہیں۔

صہیونی فوج کے مطابق اس وقت غزہ اور لبنان کی لڑائیوں میں زخمی ہونے والے261 فوجی زیر علاج ہیں اور ان میں سے 23 کی حالت تشویشناک ہے۔

صیہونی ذرائع کے مطابق غزہ پٹی کے خلاف جنگ کے آغاز سے اب تک 56 فوجی ہلاک ہو چکے ہیں۔

دوسری جانب صہیونی اخبار Haaretz نے 5 اکتوبر 2023 سے غزہ میں اس حکومت کے 24 فوجیوں کی ہلاکت کی خبر دی ہے۔

گزشتہ روز عبرانی میڈیا نے شمالی غزہ پٹی میں 2 الگ الگ کارروائیوں میں قابض فوج کے ایک میجر سمیت 5 صہیونی فوجیوں کی ہلاکت کی خبر دی تھی۔

اس کے ساتھ ساتھ مبصرین صیہونی فوجیوں کی ہلاکتوں کی خبروں پر سخت سینسر شپ کی اطلاع دے رہے ہیں اور میڈیا کو سخت احکامات جاری کیے گئے ہیں کہ متعلقہ حکام کے ساتھ ہم آہنگی کے بغیر ایسی کوئی خبر شائع نہ کریں۔