یمن پر امریکی فضائی جارحیت مسلسل جاری

امریکی جنگی طیاروں کے یمن کے خلاف جارحیت کا سلسلہ جاری رکھتے ہوئے مختلف صوبوں پر دوبارہ حملہ کیا ہے۔

صہیونی حکومت کی پشت پناہی کا سلسلہ جاری رکھتے ہوئے امریکہ نے یمن کے مختلف شہروں کو ایک بار پھر جارحیت کا نشانہ بنایا ہے۔ مقامی ذرائع کے مطابق، امریکی جنگی طیاروں نے بربریت کا مظاہرہ کرتے ہوئے دارالحکومت صنعا پر بمباری کی ہے۔ تاحال ان حملوں کے نتیجے میں ہونے والے جانی و مالی نقصانات کی تفصیلات جاری نہیں کی گئی ہیں۔

المیادین کے مطابق، امریکی جنگی طیاروں نے مجموعی طور پر الجوف، صنعا، اور صعدہ پر چوبیس بارحملے کیے۔ یمنی ذرائع کے مطابق امریکی فورسز نے محض چوبیس گھنٹوں کے دوران صنعا، عمران، صعدہ، الجوف، مآرب، اور حدیدہ صوبوں پر اکہتر بار حملے کیے ہیں۔