صیہونی جارحیت میں دو لبنانی شہری شہید

لبنان کی وزارت صحت نے اعلان کیا ہے کہ جنوبی لبنان پر صیہونی جارحیت میں دو لبنانی شہری شہید ہوئے ہیں۔

لبنان کی وزارت صحت کے اعلان کے مطابق غاصب صیہونی حکومت نے آج جنوبی لبنان میں زبقین کو اپنی جارحیت کا نشانہ بنایا جس میں دو افراد شہید ہوئے۔

اس سے قبل المیادین ٹی وی چینل نے جنوبی لبنان میں شہر صیدا میں ایک رہائشی عمارت پر صیہونی حملے کی خبر دی تھی جس میں کئی عام شہری شہید و زخمی ہو گئے تھے۔

ستائیس نومبر سن دو ہزار چوبیس کو فائربندی کے ہونے والے سمجھوتے کے بعد سے اسرائیل مختلف بہانوں منجملہ حزب اللہ لبنان کے ٹھکانوں کو نشانہ بنانے کے بہانے سے جنگ بندی کی خلاف ورزیاں جاری رکھے ہوئے ہے۔