پاکستان کے مختلف شہروں میں 5۔6 شدت کا زلزلہ

پاکستان کے مختلف شہروں میں منگل اور بدھ کی درمیانی شب 5.6 شدت زلزلے کے شدید جھٹکے محسوس کئے گئے۔

زلزلے کے جھٹکے لاہور اور گردونواح، اسلام آباد، راولپنڈی، صوابی، دیر، سوات، مالاکنڈ اور چترال سمیت کئی شہروں میں محسوس کیے گئے، پشاور، مالاکنڈ، ایبٹ آباد اور بٹ گرام میں بھی زمین لرز اٹھی۔

زلزلہ مقامی وقت کے مطابق رات 4 بج کر 13 منٹ پر آیا، زلزلے کی شدت 5.6 ریکارڈ کی گئی، جس کی شدت اس قدر تھی کہ لوگ نیند سے جاگ کر خوفزدہ حالت میں گھروں سے باہر نکل آئے۔تاہم کسی جانی یا مالی نقصان کی کوئی اطلاع موصول نہیں ہوئی۔

سروے کے مطابق ہندوکش ریجن افغانستان میں زلزلے کی شدت 5.6 اور گہرائی 69 کلومیٹر ریکارڈ کی گئی جبکہ اس کا مرکز افغان علاقے کلفغان سے 108 کلومیٹر دور مشرق میں تھا۔

افغان صوبے نورستان سمیت تاجکستان اور ازبکستان میں بھی زلزلے کے جھٹکے محسوس کیے گئے۔