رہبر انقلاب اسلامی کی جانب سے قیدیوں کی دیت کے لئے امدادی رقم

قائد اسلامی انقلاب حضرت آیت اللہ الظمی سید علی خامنہ ای نے ایرانی جیلوں میں موجود غیر ارادی جرائم کے ساڑھے 7 ہزار قیدیوں کی رہائی کے لئے 85 ہزار ڈالر کی مالی امداد دی ہے.

تفصیلات کے مطابق، آیت اللہ خامنہ ای نے ہر سال کی طرح اس سال بھی غیرارادی جرائم کی وجہ سے جیلوں میں موجود بعض ایرانی قیدیوں کے لئے خصوصی مالی امداد کا اعلان کیا ہے.

دریں اثناء صدر اسلامی جمہوریہ ایران ڈاکٹر حسن روحانی نے غیرارادی جرائم میں سزا پانے والے قیدیوں کی رہائی کے لئے 73 ہزار ڈالر کی مالی امداد دی ہے.

ایرانی حکومت اور عدلیہ کی جانب سے بھی قیدیوں کی رہائی کے لئے 13 ہزار ڈالر کی امداد کا اعلان کیا ہے.

ایرانی عوام بھی جیلوں میں ان قیدیوں رہائی کے لئے مالی امداد کا انتظام کرتے ہیں جو دیت کی رقم ادا کرنے سے قاصر ہیں.