جدائی کردستان کے نفع میں نہیں ہے

نجف کے امام جمعہ نے کہا کہ کردستان کا مستقل ہونا ان کے اپنے نفع میں نہیں ہے اور اگر عوامی رضاکار فورس نا ہوتی تو یہ علاقہ داعش کے کنٹرول میں ہوتا۔
  
تقریب، خبر رساں اینجنسی ﴿تنا﴾ کے مطابق، نجف کے امام جمعہ حجت الاسلام صدر الدین قبانچی، نے اس ہفتے کے نماز جمعہ میں خطاب کرتے ہو ئے کہا کہ ”ملت عراق تلعفرکی آزادی کے قریب ہے دہشت گردوں کے لئے ہتھیار ڈالنے یا مارے جانے کے علاوہ کو ئی چارہ نہیں “۔

انھوں نے مزید کہا کہ ”مرکزی حکومت نے ترکمان سے اس کاروائی میں ساتھ دینے کی دعوت کردی اور انھوں نے اپنی آمادگی کا اظہار کر دیا“۔

انھوں نے  عوامی رضاکار فورس کے خلاف ہونے والے اقدامات کی جانب اشارہ کرتے ہو ئے کہاکہ ” ایسے اقدامات ناپسند ہیں اور یہ اس بات کی علامت ہیں کہ رضاکاروں نے اپنی ذمہ داری کو اچھی طرح سے انجام دیا ہے“۔

انھوں نے اپنے خطاب کے دوران کردستان کے حکام سے خطاب کرتے ہو ئے کہا ” کردستان کے ذمہ دار افراد اپنی عقل کی جانب رجوع کریں ملت کے مفادات کو قومی مفادات پر ترجیح دیں، یہ بات یقینی ہے کہ موجودہ حالت میں کردستان کا استقلال ان کی مصلحت میں نہیں، اگر رضاکار دفاع نا کرتے تو ابھی کردستان داعش کے تسلط میں ہوتا“۔

نجف کے امام جمعہ نے ایران اور کویت کے درمیان تناو پر افسوس کا اظہار کیا اور کہا ”ہمیں علاقے کے ممالک سے آپس میں اچھے روابط کی امید ہے“۔

انھوں نے نمازیوں پر مسجداقصیٰ کے بند کئے جانے کی مذمت ک ، نجف کے امام جمعہ نے امام جعفر صادق علیہ السلام کی شہادت کے سلسلے میں کہا”جس طرح کہ آئمہ علیہم السلام نے مختلف روایتوں میں کہا کہ انکے شیعوں کے آپس کے روابط محبت آمیز ہونے چاہیے ، انھوں نے حضرت معصومہ سلام اللہ علیہا کی ولادت پر مبارک باد پیش کی “ ۔