اٹلی میں کورونا سے سب سے زیادہ ہلاکتیں، مجموعی تعداد 14600 سے تجاوز کرگئی

کورونا وائرس دنیا کے 200 سے زائد ملکوں میں پھیل گیا ہے جس سے اب تک کم سے کم 56 ہزار افراد ہلاک جبکہ 10 لاکھ افراد متاثر ہو چکے ہیں اور 2 لاکھ 20 ہزار افراد صحت یاب ہو چکے ہیں۔
آئی آر آئی بی کی رپورٹ کے مطابق اٹلی میں کورونا سے سب سے زیادہ ہلاکتیں ہوئیں اور گزشتہ 24 گھنٹوں کے دوران اٹلی میں  766 افراد کی ہلاکت  کے بعد مجموعی طور پر اس ملک میں کورونا سے ہلاکتوں کی تعداد 14 ہزار 681 ہوگئی جبکہ کورونا وائرس میں مزید 4 ہزار 585  افراد مبتلا ہوئے۔ اس طرح اس ملک میں کورونا سے اب تک ایک لاکھ 19 ہزار 827  افراد متاثر ہو چکے ہیں۔
یاد رہے کہ اٹلی کے وزیر اعظم جوزبہ کونتہ نے پورے ملک کو قرنطینہ کرنے کا اعلان کیا ہے لیکن اس کے باوجود حکومت کورونا پر قابو پانے میں اب تک ناکام رہی ہے۔
واضح رہے کہ گزشتہ برس دسمبر کے آخر میں چین کے ہوبئی صوبے سے کورونا وائرس کے معاملے شروع ہوئے تھے اور اب  تک کورونا وائرس دنیا کے 200 سے زائد ملکوں میں پھیل گیا ہے جس سے اب تک کم سے کم 56 ہزار افراد ہلاک جبکہ 10 لاکھ افراد متاثر ہو چکے ہیں اور 2 لاکھ 20 ہزار افراد صحت یاب ہو چکے ہیں۔