ہمیں اجازت نہ دینی چاہیے کہ آزادی اظہار کے بہانے قرآن کی بے حرمتی کی جائے

جنیوا میں ایران کے سفیر اور مستقل نمائندے نے قرآن کی بے حرمتی میں مغربی ممالک کے حکام کی بے حسی پر تنقید کرتے ہوئے کہاہے کہ ہمیں بین الاقوامی میدان میں اسلامی ممالک کے عوام کی آواز ہونا چاہیے اور مغربی ممالک کو قرآن کی بے حرمتی اور اسلامو فوبیا کو معمول پر لانے کی اجازت نہیں دینی ہوگی۔

جنیوا میں اقوام متحدہ کے دفتر میں تعینات اسلامی ممالک کے سفیروں اور مستقل نمائندوں نے کچھ یورپی ممالک میں قرآن پاک کی حالیہ بے حرمتی سے نمٹنے کے لیے اسلامی تعاون تنظیم کے اراکین کی تجاویز اور اجتماعی اقدامات کا جائزہ لینے کے لیے ایک اجلاس منعقد کیا۔

اس ملاقات میں جنیوا میں اقوام متحدہ اور دیگر بین الاقوامی اداروں میں اسلامی جمہوریہ ایران کے مستقل نمائندے علی بحرینی نے ان اقدامات کی شدید مذمت کرتے ہوئے کہاکہ ہمیں بین الاقوامی سطح پر اسلامی ممالک کے عوام کی آواز بننا چاہیے۔ ہمیں اجازت نہ دینی چاہیے کہ آزادی رائے اور آزادی اظہار کے بے بنیاد دعووں کے بہانے میں قرآن کی بے حرمتی، اسلامو فوبیا اور نفرت انگیز اور اشتعال انگیز بیانات مغربی ممالک کے عادی ہوجائے۔

بحرینی نے مغربی ممالک کے حکام اور عالمی اداروں کے عہدیداروں کی بے حسی کو تنقید کا نشانہ بناتے ہوئے کہا کہ قرآن کی بے حرمتی کے خلاف مغربی ممالک کی خاموشی سے مراد اسلامو فوبیا کے رجحان کی حوصلہ افزائی ہے۔