محاذ آرائی اور پابندیوں کی پالیسی کا ایران کی جانب سے متناسب جواب دیا جائے گا

ایرانی وزیر خارجہ نے یورپی یونین اور برطانیہ کی جانب سے ایران پر پابندیاں عائد کرنے کے بار بار اقدامات کی مذمت کرتے ہوئے اس بات پر زور دیا ہے کہ محاذ آرائی اور پابندیوں کی پالیسی کا ایران کی جانب سے متناسب جواب دیا جائے گا۔

یہ بات حسین امیرعبداللہیان نے پیر کے روز اپنی بیلجیئم ہم منصب حاجا لحیب کے ساتھ ایک ٹیلی فونگ رابطے کے دوران گفتگو کرتے ہوئے کہی۔

دونوں فریقوں نے دلچسپی کے امور بشمول دو طرفہ تعلقات پر تبادلہ خیال کیا۔

امیرعبداللہیان نے نئے ایرانی سال اور نوروز کے موقع پر بیلجیم کی وزیر خارجہ کی جانب سے بھیجے گئے مبارکبادی پیغام پر اظہار تشکر کیا۔

امیر عبداللہیان نے مزید کہا کہ اسلامی جمہوریہ ایران اور دنیا کے درمیان تعاون پر مبنی خارجہ پالیسی کی ترجیح ہے اور ایران پر پابندیاں عائد کرنے میں یورپی یونین اور برطانیہ کے بار بار اقدامات کی مذمت کی۔

انہوں نے ایرانی تہذیب کی تاریخ کا حوالہ دیا اور کہا کہ اگرچہ بعض یورپی جماعتیں دوسروں پر تشدد کا الزام لگاتی ہیں، وہ خود انسانی حقوق اور منظم خلاف ورزیوں کے حوالے سے دوہرے رویے کی سیاہ تاریخ رکھتی ہیں. فرانسیسی پولیس کا مظاہرین کے ساتھ پرتشدد رویہ دوہرے رویے کی تازہ ترین مثال ہے۔

ایرانی وزیر خارجہ نے کہا کہ محاذ آرائی اور پابندیوں کی پالیسی کو اسلامی جمہوریہ ایران کی جانب سے متناسب جواب دیا جائے گا۔

بلجیم کی وزیر خارجہ نے نئے ایرانی سال کی آمد پر مبارکباد پیش کرنے کے بعد ایران اور یورپی یونین کے درمیان مذاکرات کے ذریعے رکاوٹوں کو دور کرنے کی ضرورت پر زور دیا اور کسی بھی دوہری روش کو مسترد کیا۔

 اس ٹیلی فونک گفتگو میں قونصلر امور پر تبادلہ خیال اور تبادلہ خیال کیا گیا۔