پاکستان کے شہر پشاور میں خودکش حملہ، درجنوں افراد زخمی

پاکستان کے شہر پشاور میں آج (منگل کو) ہونے والے خودکش حملے میں درجنوں افراد زخمی ہوئے ہیں اور رپورٹس اس دہشت گردی کی کارروائی میں ہلاکتوں کا امکان ظاہر کرتی ہیں۔

پاکستان کے نیوز چینلوں کی رپورٹ کے مطابق، صوبہ خیبر پختونخوا کے دارالحکومت پشاور کی پولیس نے میڈیا کو بتایا کہ اس دہشت گردانہ کارروائی میں سیکورٹی فورسز کی ایک گاڑی کو نشانہ بنایا گیا۔

آج کے خودکش دھماکے کے نتیجے میں متعدد شہری شدید زخمی بھی ہوئے ہیں اور اسپتال ذرائع نے اعلان کیا ہے کہ زخمیوں کی حالت تشویشناک ہے اور جانی نقصان کا خدشہ ہے۔

ابھی تک کسی گروپ نے پشاور میں ہونے والے خودکش حملے کی ذمہ داری قبول نہیں کی ہے تاہم گزشتہ ایک سال کے دوران پاکستان تحریک طالبان گروپ نے پشاور اور صوبہ خیبر پختونخوا کے دیگر علاقوں میں کئی بم دھماکوں اور خودکش حملوں کی ذمہ داری قبول کی ہے۔