داعش کی باقیات کے ساتھ شامی فوج کی شدید جھڑپ/ متعدد دہشت گرد ہلاک

خبر رساں ذرائع نے داعش کی باقیات کے ساتھ شامی فوج کی شدید لڑائی اور متعدد دہشت گردوں کی ہلاکت کی اطلاع دی ہے۔

شامی فوج نے داعش دہشت گرد گروہ کی باقیات کے خلاف اپنی کارروائیاں جاری رکھی ہیں۔

داعش گروپ نے حال ہی میں شامی فوج کے ٹھکانوں پر حملے کیے تھے جس کے نتیجے میں متعدد افراد شہید اور زخمی ہوئے تھے۔

ایک میدانی ذریعے نے اعلان کیا کہ شامی فوج نے داعش گروپ کے حملے کے جواب میں اس کے خلاف صحرائے اثریا اور دیر الزور کے مغرب اور رقہ کے مشرق میں حملے کیے ہیں۔

اس رپورٹ کے مطابق شامی فوج کے حملوں کے نتیجے میں بڑی تعداد میں دہشت گرد ہلاک اور زخمی ہوئے اور ان میں سے بعض جو بچ گئے وہ صحرا کی گہرائیوں میں بھاگ گئے۔

شامی فوج نے یہ بھی اعلان کیا کہ داعش کے عناصر نے دیر الزور کے مغربی صحرا میں شامی فوجی اڈے پر حملہ کیا اور دونوں فریقوں کے درمیان شدید جھڑپیں ہوئیں۔

ان شدید جھڑپوں میں بڑی تعداد میں داعش مارے گئے اور شامی فوج کے دو فوجی بھی شہید ہوئے۔