یمن کے سمندری حددو میں جہاز پر حملہ کی اطلاع

خبر رساں ذرائع نے یمنی سمدری حددو میں سیکورٹی کے ایک واقعے کی اطلاع دی۔

برطانوی میری ٹائم ٹریڈ آرگنائزیشن نے یمن میں حدیدہ کے شمال مغرب میں 150 ناٹیکل میل کے فاصلے پر ایک حفاظتی واقعہ پیش آنے کا اعلان کیا۔

میڈیا ذرائع نے ابھی تک اس ’سیکیورٹی واقعے‘ کی مزید تفصیلات شائع نہیں کی ہیں۔

یمن کے قرب و جوار میں سمندری واقعات کا اعادہ ایک ایسے وقت میں ہوا ہے جب یمن کے نزدیکی آبی گزرگاہوں سے گزرنے والے صیہونی حکومت کے بحری جہازوں کے خلاف اس ملک کی مسلح افواج کی کارروائیاں جاری اور تیز ہو گئی ہیں۔

گذشتہ مہینوں میں غزہ کے عوام کی حمایت میں یمنی مسلح افواج نے صیہونی حکومت کے متعدد بحری جہازوں یا اس حکومت کے لیے سامان لے جانے والے بحری جہازوں کو نشانہ بنایا ہے جو بحیرہ احمر، بحر ہند اور مقبوضہ علاقوں کی طرف جا رہے تھے۔ 

یمن کی مسلح افواج نے عہد کیا ہے کہ جب تک اسرائیلی حکومت غزہ کی پٹی پر اپنے حملے اور اس علاقے کے لوگوں کا قتل عام بند نہیں کرتی وہ اس حکومت کے جہازوں یا مقبوضہ علاقوں کی طرف جانے والے بحری جہازوں پر حملے جاری رکھیں گے۔ 

امریکہ اور برطانیہ نے حال ہی میں بین الاقوامی جہاز رانی کے تحفظ کے بہانے کئی بار یمنی فورسز کے ٹھکانوں پر حملے کیے ہیں لیکن یہ اقدامات بحیرہ احمر میں صیہونی حکومت کے بحری جہازوں کے خلاف حملوں کو روکنے میں کامیاب نہیں ہو سکے ہیں۔