صیہونی حکومت کے ٹھکانوں پر حزب اللہ کا ڈرون حملہ/ ایک فوجی کی ہلاکت کا اسرائیل کا اعتراف

لبنان کی تحریک حزب اللہ نے صیہونی حکومت کے ٹھکانوں اور اس حکومت کی توپخانہ بٹالین کی کمان پر ڈرون حملے کا اعلان کیا ہے۔

لبنان کی اسلامی مزاحمت نے کئی خودکش ڈرونز سے مقبوضہ فلسطین میں صیہونی حکومت کے ٹھکانوں کو نشانہ بنایا۔

لبنان کی حزب اللہ نے اعلان کیا کہ اس نے "کابری" کے جنوب میں 146 ویں یونٹ سے وابستہ آرٹلری بٹالین کے ہیڈ کوارٹر پر کئی ڈرونز سے حملہ کیا۔

اس تحریک کے بیان میں کہا گیا ہے: حزب اللہ کے جنگجوؤں نے غزہ کی پٹی میں مستحکم فلسطینی قوم کی حمایت اور بہادرانہ اور باوقار مزاحمت کی حمایت کرنے اور خود کش ڈرون سے توپ خانے اور فضائی حملوں کے جواب میں اس سے منسلک آرٹلری بٹالین کے نئے ہیڈ کوارٹر پر حملہ کیا۔ 

حزب اللہ کے جنگجوؤں نے آج صبح المالکیہ بیس میں تکنیکی آلات کو مناسب ہتھیاروں سے نشانہ بنایا۔

صہیونی میڈیا نے بھی مغربی الجلیل کے علاقے کابری میں ڈرون کے دھماکے کے نتیجے میں ایک فوجی کی ہلاکت اور دو کے زخمی ہونے کی خبر دی ہے۔