غزہ جنگ کے آغاز سے اب تک 689 صہیونی فوجی ہلاک ہو چکے ہیں

صہیونی فوج نے غزہ جنگ میں ہلاک ہونے والے اپنے فوجیوں کی تعداد میں اضافے کا اعلان کرتے ہوئے اعلان کیا ہے کہ ان میں سے اب تک 689 فوجی مارے جاچکے ہیں۔

صیہونی حکومت کی فوج نے اعتراف کیا ہے کہ اس حکومت کا ایک اور سپاہی "یوناتن گرین بلٹ" فلسطینی مزاحمت کاروں کے حملے میں "رفح" شہر میں مارا گیا ہے۔

صہیونی میڈیا نے قابض حکومت کی فوج کے حوالے سے بتایا ہے کہ غزہ کی پٹی کے خلاف جنگ کے آغاز سے اب تک 689 فوجی ہلاک ہوچکے ہیں۔

اس رپورٹ کے مطابق ان میں سے 329 افراد غزہ کی پٹی میں زمینی لڑائی کے دوران مارے گئے۔

تجزیہ کاروں کا خیال ہے کہ غزہ کی پٹی میں جاری لڑائی کے دوران صہیونیوں نے اپنے جانی نقصان کے اعداد و شمار میں ہیرا پھیری کی بھرپور کوشش کی ہے۔

اس کے ساتھ ساتھ صہیونیوں کو بھی اپنی جانی نقصان کے بارے میں فوج اور اسرائیلی حکومت کے حکام کی طرف سے دیے گئے اعدادوشمار پر شکوک و شبہات ہیں۔

متعدد صہیونی ذرائع ابلاغ نے اب تک اپنی ہلاکتوں کے اعداد و شمار کا اعلان کرتے ہوئے اسرائیلی فوج کی سخت سنسرشپ کی طرف اشارہ کیا ہے۔ یہ کارروائی غزہ کی پٹی کے خلاف جنگ میں صیہونی فوجیوں کی ہلاکتوں کی زیادہ تعداد اور مقبوضہ علاقوں میں مزید اندرونی ردعمل کے خدشے کے پیش نظر کی گئی۔

صہیونی میڈیا نے اس سے قبل انکشاف کیا تھا کہ اسرائیلی فوج کی طرف سے اعلان کردہ زخمیوں کی تعداد اس حکومت کے ہسپتالوں کے فراہم کردہ اعدادوشمار سے بہت مختلف ہے۔

صیہونی حکومت کے چینل 12 نے پہلے اعلان کیا تھا کہ اس حکومت کی فوج نے ہسپتال کے حکام سے کہا ہے کہ وہ فوج کے ساتھ ہم آہنگی کے بغیر ہلاکتوں کے اعداد و شمار شائع نہ کریں۔