بیت لاہیا میں صیہونیوں کے نئے جرم میں 77 مظلوم فلسطینی شہید

آج صہیونی فوج نے شمالی غزہ کے علاقے بیت لاہیا میں ایک پانچ منزلہ عمارت پر بمباری کی جس کے نتیجے میں 77 افراد شہید اور درجنوں زخمی اور لاپتہ ہوگئے ہیں۔

تقریب خبررساں ایجنسی نے قدس الاخباریہ ویب سائٹ کے حوالے سے نقل کیا ہے کہ صیہونی قابض فوج نے منگل کی صبح غزہ کی پٹی کے شمال میں بیت لاہیا میں ایک 5 منزلہ عمارت پر بمباری کی۔

ابتدائی اعدادوشمار اس جرم میں درجنوں افراد کی شہادت کی نشاندہی کرتے ہیں۔ کئی لوگ زخمی بھی ہوئے۔ زخمیوں میں سے بعض کی حالت تشویشناک ہے۔

مقامی ذرائع کے مطابق شہدا اور زخمیوں کو ملبے سے نکالنے کے لیے ریسکیو فورسز کی کوششیں جاری ہیں۔

طبی ذرائع نے اعلان کیا ہے کہ غزہ کی پٹی کے شمال میں بیت لاہیا میں 5 منزلہ رہائشی عمارت پر بمباری میں شہید ہونے والوں کی تعداد 77 ہو گئی ہے۔

الجزیرہ کے رپورٹر نے اعلان کیا ہے کہ غزہ کی پٹی کے شمال میں بیت لاہیا  میں رہائشی عمارت پر بمباری میں شہید ہونے والوں کی تعداد 77 تک پہنچ گئی ہے جن میں 17 سے زائد بچے بھی شامل ہیں۔

اس رپورٹ کے مطابق اس جرم میں درجنوں دیگر افراد زخمی ہوئے جن میں سے کئی کی حالت تشویشناک ہے۔ لاپتہ افراد کی تعداد بھی بہت ہے۔

مقامی ذرائع نے غزہ کی پٹی کے شمال میں بیت لاحیہ میں ایک رہائشی عمارت پر بمباری میں شہید اور زخمی ہونے والوں کی تصاویر بھی شائع کیں۔