صیہونی اہداف کے خلاف تین دیگر عراقی مزاحمتی کارروائیاں

عراق کی اسلامی مزاحمت نے مقبوضہ فلسطین میں اہم اہداف کے خلاف مزید تین ڈرون کارروائیوں کا اعلان کیا ہے۔

 عراق کی اسلامی مزاحمت نے ایک بیان میں اعلان کیا: عراق کی اسلامی مزاحمت کے مجاہدین نے قبضے کے خلاف مزاحمت کے انداز کو جاری رکھتے ہوئے فلسطینیوں اور لبنانیوں کی حمایت  اور بچوں سمیت عام شہریوں کے قتل عام کے ردعمل میں آج (ہفتہ)  ڈرون کے ذریعے مقبوضہ علاقوں کے شمال میں فوجی اہداف پر حملہ کیا۔

عراقی مزاحمت نے یہ بھی اعلان کیا کہ اس نے دو بار ڈرون سے مقبوضہ علاقوں کے جنوب میں ایک فوجی ہدف کو نشانہ بنایا۔

عراق کی اسلامی مزاحمت نے آج صبح اطلاع دی ہے کہ اس نے ایلات میں ایک اہم ہدف کو دو بار نشانہ بنایا ہے۔

گذشتہ ہفتے اور مہینوں میں عراقی مزاحمت نے مقبوضہ علاقوں کے جنوب میں واقع ام الرعش (ایلات) کی بندرگاہ میں بھی حساس اور اہم اہداف کو نشانہ بنایا تھا۔

شام کے مقبوضہ گولان کی پہاڑیوں کے علاقے میں صیہونی حکومت کے فوجی اڈے پر 13 مہر بروز جمعۃ المبارک کو عراق کی اسلامی مزاحمتی تنظیم کے اہم ترین ڈرون حملے میں اس حکومت کے 25 فوجی ہلاک اور زخمی ہوئے۔ 

عراق کی اسلامی مزاحمت نے مقبوضہ علاقوں میں صیہونی اہداف کے خلاف اپنی ماضی کی کارروائیوں میں خبردار کیا تھا کہ اگر غزہ کی پٹی پر صیہونی حکومت کے حملے جاری رہے تو وہ اپنی کارروائیاں تیز کر دے گی۔