ایران کسی بھی صورت میں ہم سے مذاکرات کرے

امریکی صدر ڈونلڈ ٹرمپ نے ایک بار پھر ایران کے ساتھ مذاکرات کی ضرورت پر زور دیا ہے۔

امریکی صدر ڈونلڈ ٹرمپ نے کہا کہ ہم نے ایران سے کہا ہے کہ وہ کسی بھی صورت میں ہم سے مذاکرات کرے۔

واضح رہے کہ ایران کے ساتھ مذاکرات اور معاہدے کے حوالے سے صدر ٹرمپ نے شروع سے ہی متلون مزاجی کا ثبوت دیتے ہوئے غیر تعمیری رویہ اختیار کیا ہے۔ مذاکرات کی پیشکش کے ساتھ طاقت کے استعمال کی دھمکیاں معاملے کی پیشرفت کی راہ میں رکاوٹ بن رہی ہیں۔

صدر ٹرمپ نے دعوی کیا کہ یمن کے حوثی فرار ہورہے ہیں۔ ہماری فورسز نے اس گروہ کے عناصر کو ختم کر دیا ہے۔ حوثیوں کو ایران کی حمایت حاصل ہے اور وہ امید کررہے تھے کہ ہمارے حملوں کا نشانہ نہیں بنیں گے۔