سامح شکری: میں نے السیسی کا پیغام بشار الاسد تک پہنچا دیا

شامی عوام کے لیے قاہرہ کی حمایت پر زور دیتے ہوئے مصر کے وزیر خارجہ نے اعلان کیا کہ انھوں نے مصری صدر عبدالفتاح السیسی کا پیغام اپنے شامی ہم منصب بشار الاسد تک پہنچا دیا ہے۔

مصری وزیر خارجہ سامح شکری نے وزیر خارجہ فیصل المقداد اور شام کے صدر بشار الاسد سے ملاقات کے بعد مشترکہ پریس کانفرنس میں شرکت کی۔

المقداد نے اس پریس کانفرنس میں کہا: مصر کے وزیر خارجہ جب دمشق آتے ہیں تو ایسا لگتا ہے جیسے وہ اپنے گھر اور ملک میں آئے ہوں۔

انہوں نے اس بات پر زور دیا کہ مصر کی حکومت اور عوام نے شام کے زلزلے کے نتائج سے نمٹنے میں اہم کردار ادا کیا۔

دوسری جانب سامح شکری نے کہا کہ وہ شام کا دورہ کرکے اور اس ملک کے صدر بشار الاسد سے ملاقات کرکے بہت خوش ہیں۔

انہوں نے کہا کہ مصری صدر عبدالفتاح سیسی کا پیغام ان کے شامی ہم منصب کو پہنچا دیا گیا ہے اور ہم نے شام کے ساتھ یکجہتی پر زور دیا ہے تاکہ زلزلے کے نتائج سے نمٹنے کے لیے حمایت جاری رکھی جائے۔

مصری وزیر خارجہ نے اس بات پر زور دیا کہ شامی عوام کا مصری عوام کے ساتھ ایک خاص مقام ہے اور ہمارے پاس مشترکہ انسانیت ہے۔

انہوں نے کہا: ہم نے زلزلے کے پہلے ہی دن شامی حکومت کے ساتھ رابطہ کاری شروع کر دی تھی اور ہم شامی بھائیوں کے ساتھ اظہار یکجہتی کے لیے یہاں آئے تھے۔

پیر کو دمشق پہنچنے والے مصر کے وزیر خارجہ سامح شکری نے صدر بشار الاسد سے ملاقات اور گفتگو کی۔

اس ملاقات کے بارے میں مزید تفصیلات ابھی جاری نہیں کی گئیں۔

دمشق کے ہوائی اڈے پر پہنچنے کے بعد شکری نے اپنے شامی ہم منصب فیصل المقداد سے دو طرفہ ملاقات کی۔

گذشتہ اکتوبر میں سامح شکری نے نیویارک میں اقوام متحدہ کی جنرل اسمبلی کے موقع پر اپنے شامی ہم منصب فیصل المقداد سے ملاقات کی تھی جو عرب لیگ میں شام کی رکنیت کی معطلی کے بعد دونوں مصری اور شامی حکام کے درمیان پہلی باضابطہ ملاقات تھی۔ 

مصری وزارت خارجہ نے کل ایک بیان میں اعلان کیا کہ سامح شکری پیر کو شام کے بعد ترکی کا سفر کریں گے تاکہ ان دونوں ممالک کے زلزلہ متاثرین کے ساتھ قاہرہ کی یکجہتی کا پیغام پہنچا سکیں۔

کل پیر کو مصری پارلیمنٹ کے اسپیکر حنفی جبالی عرب پارلیمنٹ کی یونین کے ایک وفد کی سربراہی میں دمشق گئے اور شام کے صدر بشار الاسد سے ملاقات کی۔