غزہ میں شہداء کی تعداد 37 ہزار 900 تک پہنچ گئی

غزہ میں مزید 23 فلسطینیوں کی شہادت کے بعد غزہ کی پٹی پر صیہونی حکومت کے مجرمانہ حملوں میں شہید ہونے والے فلسطینیوں کی تعداد 37 ہزار 900 ہو گئی۔

اس رپورٹ کے مطابق غزہ کی پٹی میں فلسطینی وزارت صحت نے پیر کے روز اعلان کیا: صہیونی فوج نے گذشتہ چوبیس گھنٹوں کے دوران غزہ کی پٹی میں فلسطینی شہریوں کے خلاف مزید دو جرائم کا ارتکاب کیا ہے۔

وزارت نے مزید کہا: ان حملوں میں 23 فلسطینی شہید اور 91 زخمی ہوئے۔

غزہ کی وزارت صحت نے نشاندہی کی کہ 7 اکتوبر سے جنگ کے شہداء کی تعداد 37,900 اور زخمیوں کی تعداد 8,706 تک پہنچ گئی ہے۔

دریں اثنا، 10،000 سے زائد افراد اب بھی لاپتہ اور ملبے کے نیچے دبے ہوئے ہیں۔

غزہ میں نسل کشی کی جنگ کے آغاز سے اب تک اسرائیلی قابض فوج غزہ کی پٹی میں 5000 سے زائد افراد کو گرفتار کر چکی ہے۔

غزہ میں فلسطینی وزارت صحت نے اعلان کیا ہے کہ جنگ میں شہید اور زخمی ہونے والوں میں 70 فیصد سے زیادہ بچے اور خواتین ہیں۔