وائٹ ہاؤس نے اقوام متحدہ کے عملے پر مہلک حملے کی اسرائیلی وضاحت طلب کر لی

وائٹ ہاؤس نے کہا کہ وہ اسرائیل کے فضائی حملوں کے بارے میں مزید معلومات کے لیے اسرائیلی حکومت کے حکام سے رابطے میں ہے جس میں اقوام متحدہ کی فلسطینی پناہ گزین ایجنسی کا عملہ ہلاک ہوا تھا۔

وائٹ ہاؤس نے اعلان کیا ہے کہ وہ اقوام متحدہ کی پناہ گزین ایجنسی (UNRWA) کے ملازمین کو ہلاک کرنے والے حملوں کے بارے میں مزید معلومات حاصل کرنے کے لیے اسرائیلی حکومت کے حکام سے رابطے میں ہے۔

اقوام متحدہ کی فلسطینی پناہ گزین ایجنسی (UNRWA) کے مطابق بدھ کے روز وسطی غزہ میں ایک اسکول پر ہونے والے دو فضائی حملوں کے بعد UNRWA کے چھ کارکن مارے گئے، جو کہ کسی ایک واقعے میں ہلاک ہونے والے UNRWA کارکنوں کی سب سے زیادہ تعداد ہے۔

اس اسکول پر حملے میں کم از کم 12 مزید فلسطینی مارے گئے تھے جس میں اقوام متحدہ نے 12000 جنگی پناہ گزینوں کو پناہ دی تھی۔ عینی شاہدین نے بتایا کہ اسرائیلی حملوں کے نتیجے میں خواتین اور بچے زخمی ہوئے۔

فلسطینی پناہ گزینوں کے لیے ریلیف اینڈ ایمپلائمنٹ ایجنسی (UNRWA) نے اعلان کیا ہے کہ اس کا ایک ملازم مغربی کنارے میں اسرائیلی اسنائپر کے ہاتھوں مارا گیا۔

UNRWA نے اعلان کیا کہ 10 سال سے زائد عرصے میں پہلی بار اس تنظیم کے ایک ملازم کو مغربی کنارے میں اسرائیلی فوجیوں نے گولی مار کر ہلاک کر دیا۔

7 اکتوبر 2023 سے اسرائیل نے غزہ کی پٹی کے خلاف حماس کی قیادت میں فلسطینی مزاحمتی گروپوں کے الاقصی طوفان آپریشن کے بعد تباہ کن جنگ شروع کر رکھی ہے۔

اس عرصے کے دوران غزہ کی پٹی کے 70% مکانات اور بنیادی ڈھانچے بشمول اسکولوں کو شدید نقصان پہنچا ہے اور بدترین محاصرے اور شدید انسانی بحران کے ساتھ ساتھ بے مثال قحط اور بھوک نے اس علاقے کے مکینوں کی زندگیوں کو خطرے میں ڈال دیا ہے۔ .

یہ اس وقت ہے جبکہ اسرائیل نے اعتراف کیا ہے کہ 11 ماہ کی جنگ کے بعد بھی وہ اس جنگ کے اپنے مقاصد حاصل کرنے میں کامیاب نہیں ہوسکا، جس کا مقصد حماس کی تحریک کو تباہ کرنا اور غزہ کی پٹی سے اسرائیلی قیدیوں کی واپسی ہے۔