دین اسلام اتحاد کا دین ہے

تقریب خبررساں ایجنسی کے بین الاقوامی نامہ نگار کے مطابق کویت کے بلاغ ثقافتی ادارے کے سربراہ شیخ عمار کاظم نے 38ویں بین الاقوامی اتحاد اسلامی کانفرنس کے چوتھے ویبینار میں اس بات کی طرف اشارہ کرتے ہوئے کہا کہ دین اسلام اتحاد کا دین ہےاور یکجہتی یہ ایک ایسی دنیا ہے جس میں آشنائی، تعاون، محبت اور امن ہے اور ظلم، تعصب، ناانصافی، استحصال، جنگ اور تنازعات سے دوری ہے، اور اللہ تعالیٰ نے مسلمانوں کو ایک متحد قوم بننے اور اپنے اختلافات کو علم سے حل کرنے کا کہا ہے۔ 

انہوں نے مزید کہا: خداتعالیٰ نے چاہا ہے کہ جب بھی کسی مسئلے میں ہمارے درمیان اختلاف ہو تو ہم اپنے مسائل کے حل کے لیے اتحاد کے عناصر کو استعمال کریں۔ اس لیے اتحاد معاشرے کی ترقی اور پیشرفت کی بنیادوں میں سے ایک ہے اور سیاسی بیداری پھیلانے اور ایک دوسرے کے ساتھ رابطے کی بنیادیں قائم کرنے میں اہم کردار ادا کرتا ہے۔

شیخ کاظم نے مزید کہا: ہمیں ایک عظیم ذمہ داری کا سامنا ہے، حق کو زندہ رکھنا اور اس کی حمایت کرنا۔ اس کے لیے بیداری اور پختہ عزم کی ضرورت ہے، اور قرآن کریم ان لوگوں کی مذمت کرتا ہے جو حق کے سامنے خاموش رہتے ہیں، یا اپنے مفادات کے لیے ظاہری نشانیوں کو چھپاتے ہیں، یا انحرافات سے نمٹنے کی ذمہ داری سے کنارہ کشی کرتے ہیں، اور انہیں رحمت سے روکتا ہے۔