اتحاد کا مطلب ہے اسلام کو مضبوط کرنا/اب مسلمانوں کے درمیان اختلافات کا وقت نہیں ہے۔

تقریب خبررساں ایجنسی کے فکری مرکز کی رپورٹ کے مطابق کرمانشاہ کے امام جمعہ ماموستا "احمد مبارکشاهی"، نے 38ویں اسلامی اتحاد کانفرنس کے آٹھویں ویبینار میں جو آج بروز منگل  تہران میں منعقد ہوا، کہا: دین اسلام کے معجزات میں سے ایک یہ کہ اسے بہترین انسانی تہذیب کہا جا سکتا ہے جو عالم انسانیت میں تمام علیحدگی پسند اور تفرقہ انگیز افکار کی نفی کی لکیر کھینچتی ہے۔

انہوں نے مزید کہا: اسلام نے اپنے ظہور کے ساتھ ہی نسلی اور قبائلی بالادستی کے اختلاف کی مذمت کی ہے اور تقویٰ کو انسانی بالادستی کی علامت قرار دیا ہے۔ اللہ تعالیٰ نے اتحاد و یکجہتی کو خدا، رسول صلی اللہ علیہ وسلم، قرآن اور سنت کی پیروی میں رکھا ہے۔

امام جمعہ نودشے کرمانشاہ نے تاکید کی: اتحاد کا مطلب اسلام کو مضبوط کرنا اور اس منزل کی طرف بڑھنا ہے جس کا اسلام نے تعین کیا ہے۔ اتحاد کا مطلب ہے دین کو مضبوط کرنا اور اس کی حفاظت کرنا۔ ہمیں حقیقی اتحاد کے لیے کوشش کرنی چاہیے اور ایک دوسرے کے بارے میں اپنی بیداری کو بڑھانا چاہیے۔ مموستا

مبارکشاہی نے یہ بیان کرتے ہوئے کہ عالم اسلام کو اسلامی معاشروں کو اتحاد کی طرف لے جانا چاہیے اور تاکید کی : اتحاد انسانی ضرورتوں میں سے ہے اور امید ہے کہ تمام مسلمان دینی رہنمائوں کی مدد سے اتحاد و بھائی چارہ حاصل کریں گے اور دشمنوں کے ہاتھ چھوٹے کریں گے۔

امام جمعہ نودشے کرمانشاہ نے یہ بیان کرتے ہوئے کہ اسرائیلی حکومت شروع سے ہی اسلامی مقدسات کو قتل و غارت اور ان پر حملے کرتی رہی ہے اور فرمایا: اس غاصب دشمن کے مقابلے میں کھڑے ہونے کی ذمہ داری تمام مسلمانوں اور حتیٰ کہ غیر مسلموں کا بھی اجماع ہے۔

اسرائیل کا مقابلہ کرنا اسلامی معاشرے کی ضروریات میں سے ایک ہے اور تمام مسلمانوں کو جان لینا چاہیے کہ اسرائیل کسی پر رحم نہیں کرے گا۔