یمن کا بن گورین ہوائی اڈے پر بیلسٹک میزائل حملہ

یمن نے مقبوضہ فلسطین کے بن گورین ہوائی اڈے کو فلسطین 2 ہائپرسونک بیلسٹک میزائل سے نشانانہ بنایا ہے۔

تفصیلات کی رپورٹ کے مطابق، یمن کی مسلح افواج کے ترجمان یحیی سریع نے ایک بیان میں اس بات کی تصدیق کی ہے کہ یمن نے فلسطین 2 ہائپرسونک بیلسٹک میزائل سے بن گورین ہوائی کو نشانہ بنایا ہے۔

یحیی سریع نے کہا کہ مذکور میزائل صہیونی دشمن کے فضائی سسٹم کو ناکارہ بناتے ہوئے مطلوبہ ہدف پر جا لگا جس کے نتیجے میں متعدد افراد زخمی جب کہ ہوائی اڈے کی پروازیں معطل ہوگئیں۔

جنرل یحیی سریع نے آگاہ کیا کہ یمنی فوج کے ڈرون یونٹ نے مقبوضہ یافا (تل ابیب) میں صہیونی دشمن کے ایک اہم ہدف کو خودکش ڈرون کے ذریعے نشانہ بنایا جو کامیاب رہا۔

انہوں نے مزید کہا کہ اس کے علاوہ، کئی ڈرونز سے بحیرہ عرب کے سقطری جزیرے میں ایک بحری جہاز (سانتا ارسولا) کو بھی براہ راست نشانہ بنایا۔ کیونکہ مذکوہ بحری جہاز کی ملکیت والی کمپنی نے مقبوضہ فلسطین کی بندرگاہوں میں داخلے پر پابندی کے یمنی انتباہ کو نظر انداز کر دیا تھا۔

یمنی مسلح افواج کے ترجمان نے کہا کہ غزہ پر جارحیت اور محاصرے کے خاتمے تک یمن کی فوجی کارروائیاں جاری رہیں گی۔