صہیونی اپوزیشن نے سول نافرمانی تحریک کی اپیل کردی

سول نافرمانی تحریک کی اپیل کے بعد نتن یاہو حکومت کی مشکلات میں مزید اضافہ ہوا ہے۔

صہیونی فوج کی جانب سے غزہ پر دوبارہ حملے کے بعد مقبوضہ علاقوں میں نتن یاہو حکومت کے خلاف صہیونیوں کے احتجاج میں اضافہ ہوا ہے۔ 

مقبوضہ علاقوں میں اپوزیشن رہنما نے صہیونی کابینہ کے خلاف سول نافرمانی کی تحریک چلانے کی اپیل کی ہے۔

اپوزیشن لیڈر یائیر لاپید نے نتن یاہو کے خلاف بیان دیتے ہوئے کہا کہ ان کی کابینہ ملک کی سپریم کورٹ کے فیصلوں کی پاسداری نہیں کر رہی۔

لاپید نے مزید کہا کہ نتن یاہو کابینہ مجرم ہے لہذا اس کی پیروی نہیں کی جانی چاہیے۔

یہ بیان صہیونی سپریم کورٹ کی جانب سے داخلی سیکیورٹی ایجنسی "شاباک" کے سربراہ کی برطرفی کے عمل کو معطل کرنے کے فیصلے کے بعد دیا گیا ہے۔

گزشتہ روز صہیونی فوج کے سابق چیف آف اسٹاف بنی گانٹز اور گادی آئزنکوٹ نے بھی مقبوضہ علاقوں میں بڑھتی ہوئی داخلی کشیدگی کے خطرے سے خبردار کیا تھا۔