لبنان کے جنگ زدہ عوام کے لیے ایران کی جانب سے تیسری امدادی کھیپ لبنان روانہ

ہلال احمر سوسائٹی ایران کے سیکرٹری جنرل نے لبنان کے جنگ زدہ عوام کے لیے ایران کی جانب سے تیسری امدادی کھیپ بھیجنے کا اعلان کیا ہے۔

 میثم افشار نے بتایا کہ نقد اور ضروری سامان کے عطیات سے لبریز ایک بڑا ہوائی جہاز یہ سامان لیکر شام بھیجا گیا ہے۔

انہوں نے مزید بتایا کہ لبنان کے جنگ سے متاثرہ اور بے گھر ہونے والے افراد کے لیے دمشق میں ہنگامی رہائشی کیمپ کے قیام کی تیاری کرلی گئی ہے اور ضرورت پڑنے پر ہلال احمر سوسائٹی کا فیلڈ ہسپتال لبنان کے متاثرین اور مزاحمتی کاروں کو امداد فراہم کرنے کے لیے تیار ہے۔