یورپ کے لئے روسی گیس کی سپلائی بند

یوکرین کے راستے روس اور یورپ کے درمیان گیس ٹرانزٹ کے معاہدے کی مدت بڑھائی نہ جانے کے باعث، دوہزار پچیس شروع ہوتے ہی یورپ کے لئے روسی گیس کی سپلائی بند ہوگئی۔

غیر ملکی میڈیا کے مطابق یوکرین کے وزیر توانائی جرمن گیلوش چنکو نے ایک بیان میں کہا ہے کہ ہم نے روسی گیس کی سپلائی روک دی ہے۔ یوکرین نے اس سے قبل تاکید کے ساتھ کہا تھا کہ وہ جنگ کے درمیان سمجھوتے کی مدت نہيں بڑھائےگا۔

رائٹر کی رپورٹ کے مطابق بیلاروس سے گذرنے والی پائپ لائن یا مال کو روک دیا گيا ہے اور نورڈ اسٹریم گیس پائپ لائن بھی دوہزار بائيس میں پھٹ گئی، مگر اس کے باوجود، روس، بحراسود سے گذرنے والی ترک اسٹریم گیس پائپ لائن کے ذریعے گیس کی برآمدات جاری رکھے گا۔

ترک اسٹریم کی دو پائپ لائنیں ہیں، ایک ترکیہ کے لئے ہے اور دوسری ہنگری و صربیہ سمیت وسطی یورپ کے خریداروں کو گیس فراہم کرتی ہے۔