شہداء کی قربانیوں کا نتیجہ ہے کہ بچہ بچہ تمنائے شہادت رکھتا ہے

شیعہ علماء کونسل پاکستان کے سیکرٹری جنرل علامہ ڈاکٹر شبیر حسن میثمی نے وفد کے ہمراہ ایرانی قونصیلیٹ میں منعقدہ حمایت مظلومین جہاں و مقاومت کانفرنس میں خصوصی شرکت کی۔ قونصل جنرل جناب حسن نوریان نے سیکرٹری جنرل کو خوش آمدید کہا۔

اس موقع پر صدر ملی یکجہتی کونسل جناب صاحبزادہ ابوالخیر محمد زبیر بھی بطور مہمان خصوصی موجود تھے۔

ایس یو سی پاکستان کے سیکرٹری جنرل نے اہم خطاب کرتے ہوئے کہا کہ ہمارا دشمن بہت کمروز ہے اور مغرب اتنا خوفزدہ ہوچکا ہے کہ اپنے ہی ڈیجیٹل میڈیا پر مقاومت کے شہداء کی تصاویر تک برداشت نہیں کرتا۔

انہوں نے مزید کہا کہ ان عظیم شہداء کی قربانیوں کا نتیجہ ہے کہ ہر بچہ تمنائے شہادت میں گرفتار ہے۔