سردار سلیمانی کو انکے اہم کردار کی وجہ سے شہید کیا گیا

یمن کی تحریک انصار اللہ کے سربراہ نے کہا ہے کہ امریکہ نے جنرل قاسم سلیمانی کو اس لیے شہید کیا کیونکہ وہ اس علاقے میں امریکی سازشوں کو ناکام بنانے میں اہم کردار ادا کر رہے تھے۔

یمن کی انصار اللہ کے سربراہ سید عبدالملک الحوثی نے شہید قاسم سلیمانی کی برسی کے موقع پر اپنے خطاب میں فلسطین کی حمایت میں جنرل سلیمانی کے کردار کی طرف اشارہ کرتے ہوئے کہا کہ اسلامی جمہوریہ ایران کو فلسطین اور فلسطینی مجاہدین کی حمایت کی وجہ سے بہت سارے مسائل اور مشکلات کا سامنا کرنا پڑا رہا ہے۔

انہوں نے یہ بات زور دے کہی کہ دنیا کی کوئی بھی طاقت یمن کو فلسطین اور غزہ کی حمایت سے نہیں روک نہیں سکتی۔ ان کا کہنا تھا کہ ایک سال سے زائد عرصے سے ہمارے ملک پر امریکہ اور برطانیہ کے حملے جاری ہیں اور اب تک نو سو سے زائد بار فضائی اور سمندری حملے ہوچکے ہیں۔

انصار اللہ کے سربراہ نے کہا کہ میں امریکہ اور برطانیہ پر واضح کر دینا چاہتا ہوں کہ تمہاری بمباری سے ہم اپنے اصولی، انسانی اور اخلاقی موقف سے پیچھے نہیں ہٹیں گے اور فلسطین کی حمایت کا سلسلہ پوری قوت کے ساتھ جاری رہے گا۔