غزہ کے باشندوں کی جبری بے دخلی سے پورے خطے کے استحکام کو خطرہ ہے

اردن کے بادشاہ نے غزہ اور مغربی کنارے سے متعلق صیہونی رژیم کی پالیسیوں کے بارے میں خبردار کیا۔

اردن کے بادشاہ عبداللہ دوم نے غزہ کے خلاف صیہونی رژیم کی جارحیت اور فلسطینیوں کی جبری بے دخلی کے منصوبے کے بارے میں خبردار کیا۔

انہوں نے کہا کہ غزہ اور مغربی کنارے کے خلاف جاری اسرائیلی جارحیت اور جبری بے دخلی سے پورے خطے کے استحکام کو خطرہ ہے۔

واضح رہے کہ صیہونی رژیم امریکی حمایت سے غزہ اور مغربی کنارے کے خلاف مسلسل جارحیت کی مرتکب ہو رہی ہے جب کہ نام نہاد عالمی برادری نے مجرمانہ خاموشی اختیار کر رکھی ہے۔