فلسطینی مزاحمت کاروں کا صیہونیوں کی ایک فوجی کراسنگ پر حملہ

فلسطینی میڈیا نے بتایا ہے کہ فلسطینی جنگجوؤں نے ہفتے کی رات مغربی کنارے کے شمالی الغوار علاقے میں الحمرا ملٹری کراسنگ کو نشانہ بنایا۔

فلسطینی جنگجوؤں کے اس حملے کے بعد صہیونی فوج نے مذکورہ کراسنگ کو بند کر دیا اور اس کارروائی کے مرتکب افراد کی تلاش کے لیے الرٹ حالت کا اعلان کیا۔

اس سال کے آغاز سے خاص طور پر مغربی کنارے میں صیہونیوں کے خلاف کارروائیوں میں اضافہ ہوا ہے اور صیہونی حکومت کے حکام نے بارہا ان کارروائیوں کو روکنے میں اپنی نااہلی کا اعتراف کیا ہے۔

دوسری جانب صیہونی حکومت کے سیکورٹی حلقوں نے مستقبل قریب میں مغربی کنارے میں بڑے پیمانے پر فوجی آپریشن کے نفاذ کا اعلان کرتے ہوئے کہا ہے کہ اس آپریشن کا امکان خاص طور پر شروع سے سات صیہونیوں کی ہلاکت کے بعد بڑھ گیا ہے۔ 

اس خبر کا اعلان کرتے ہوئے صہیونی اخبار "یدیوت احرونوت" نے غزہ کے خلاف صیہونی حکومت کی حالیہ جارحیت کے دوران شاباک کے سربراہ رونین بار کے الفاظ کا حوالہ دیتے ہوئے کہا: "مغربی کنارے میں بعض تنظیمیں مختلف راکٹ بنانے کی کوشش کر رہی ہیں۔"