شام پر صیہونی ڈرون حملہ

صیہونی حکومت کے ڈرون نے شام کے صوبہ حمص میں ایک کار اور ٹرک کو نشانہ بنایا۔

شام کے وسطی صوبے حمص کے ریف میں القصیر شہر کے قریب ایک کار اور ٹرک پر اسرائیلی فوج کے ڈرون حملے کی خبر دی ہے۔

اس رپورٹ کے مطابق اس کار اور ٹرک کو الضبعہ فوجی ہوائی اڈے کے راستے میں نشانہ بنایا گیا۔

صہیونی ذرائع ابلاغ نے اس حملے کی خبر کی تصدیق کی ہے۔

بعض میڈیا نے اس حملے میں دو افراد کی شہادت کی خبر دی ہے۔

اقوام متحدہ کی خاموشی میں صیہونی حکومت برسوں سے شام کی خود مختاری کی خلاف ورزی کر رہی ہے اور اس ملک کو ڈرون اور میزائلوں سے نشانہ بنا رہی ہے۔

صیہونی حکومت نے اپنی آخری مایوس کن کارروائی میں سفارتی مراکز کو بھی نشانہ بنایا اور دمشق میں ایرانی قونصل خانے پر حملہ کیا۔

دریں اثناء شامی حکومت نے متعدد بار اقوام متحدہ اور سلامتی کونسل کو خطوط بھیج کر ان حملوں کی مذمت کی ہے اور انہیں روکنے کا کہا ہے۔