قم کو ایک نمونہ و مذہبی شہر کے عنوان سے متعارف کرایا جائے

تقریب نیوز (تنا): حضرت آیت الله صافی گلپایگانی نے قم کے میئر مھندس دلبری سے ملاقات میں ان کو دوبارہ شہر قم کے میئر منتخب ہونے پر مبارک باد پیش کرتے ہوئے کہا: امید کرتا ہوں کے نئے دور خدمت میں شہر مقدس قم کے عوام کی خدمت کرنے میں زیادہ سے زیادہ توفیق حاصل کریں گے اور اس عظیم شہر کی خدمت کو اپنے لیے کامیابی سمجھیں گے۔

مرجع عالی قدر نے شہر مقدس قم میں حضرت معصومہ علیها السلام و مسجد مقدس جمکران کے وجود کی طرف اشارہ کرتے ہوئے بیان کیا: شہر مقدس قم اهل بیت علیهم السلام کا شہر ہے اور ایک اعلی اسلامی مکتب کے مرکز کا عنوان رکھتا ہے اور جتنا بھی ممکن ہو قم کو ترقی کی راہ پر گامزن کریں، آپ کا یہ عمل پورے ملک کے لئے فخر کا باعث ہو گا۔

حضرت آیت الله صافی نے اپنی گفت و گو کو جاری رکھتے ہوئے قم کے میئر سے مزید کہا: آپ کا دوبارہ اس مقام پر منتخب ہونا اس بات کی علامت ہے کہ آپ کی کار کردگی سے عوام خوش ہے اور عوام کی اس خوشی برقرار رکھنے کے لیے مزید زحمت و کوشش کریں۔