امریکی وزیر خارجہ بلنکن اور مصری صدر السیسی نے قاہرہ میں ملاقات

امریکی وزیر خارجہ بلنکن اور مصری صدر السیسی نے قاہرہ میں ملاقات کی اور غزہ جنگ پر تبادلہ خیال کیا۔

اس ملاقات میں غزہ کی پٹی میں فوری جنگ بندی کی ضرورت پر زور دیتے ہوئے السیسی نے کہا: "ہم رفح شہر میں کسی بھی فوجی آپریشن کے خطرناک نتائج سے خبردار کرتے ہیں اور مناسب مقدار میں امداد پہنچانے کے لیے فوری کارروائی کی ضرورت پر زور دیتے ہیں۔"

انہوں نے مزید کہا: ہم دو ریاستی حل کے نفاذ کے لیے سنجیدہ اقدام کے ذریعے سیاسی عمل کی ضرورت پر زور دیتے ہیں۔

امریکی وزارت خارجہ کی جانب سے جاری ایک بیان میں کہا گیا ہےکہ بلنکن اور السیسی نے کم از کم 6 ہفتوں کے لیے فوری جنگ بندی کے حصول اور قیدیوں کی رہائی کے بارے میں بات چیت کی۔

واضح رہے کہ آج قاہرہ، مصر، سعودی عرب، قطر، اردن کے وزرائے خارجہ کے اجلاس اور متحدہ عرب امارات کے مشیر برائے بین الاقوامی تعاون اور فلسطین لبریشن آرگنائزیشن کی ایگزیکٹو کمیٹی کے سیکرٹری کی میزبانی کرے گا۔ یہ عرب حکام بلنکن کے ساتھ غزہ سے متعلق مسائل پر بات چیت کریں گے۔ 

گزشتہ روز امریکی وزیر خارجہ غزہ جنگ پر بات چیت کے لیے مشرق وسطیٰ کے اپنے دوروں کے چھٹے راونڈ میں سعودی عرب پہنچے تھے اور وہ جمعے کو مقبوضہ فلسطین کا بھی دورہ کریں گے۔