ہم نے 202 دنوں میں صیہونی و اس کے اتحادیوں کے 102 جہازوں کو نشانہ بنایا

یمن کی تحریک انصار اللہ کے سربراہ سید عبدالمالک بدر الدین الحوثی نے جمعرات کے روز اپنے خطاب میں کہا: غزہ میں شہیدوں اور زخمیوں کا تناسب غزہ میں رہنے والی آبادی کا تقریباً 6 فیصد ہے اور یہ موجودہ دور میں ہلاکتوں کا سب سے زیادہ فیصد ہے۔

سید عبدالمالک بدر الدین الحوثی نے کہا: غزہ کی پٹی میں فلسطینی قوم کے خلاف اسرائیل کے منصوبہ بند حملے دراصل اس خطے میں رہنے والی پوری قوموں کے خلاف جنگ ہے۔

یمن کی انصار اللہ تحریک کے رہنما نے تاکید کی: اسرائیلی دشمن ہر روز فلسطینی عوام کو بڑے پیمانے پر قتل وغارت اور فاقہ کشی اور متعدی بیماریوں کے پھیلاؤ کے ذریعے نشانہ بناتا ہے۔

انہوں نے اس بات کی طرف اشارہ کرتے ہوئے کہ صیہونی حکومت ہر روز غزہ کی پٹی میں رہنے والے لوگوں کو قتل کرنے کے طریقوں کو متنوع بنا رہی ہے کہا: اسرائیلی دشمن نے غزہ کے لوگوں کو دھوکہ دیا ہے اور ڈرون سے مدد مانگنے والے بچوں کی چیخیں نشر کر کے انہیں نشانہ بنایا ہے۔

سید عبدالمالک بدر الدین الحوثی نے مزید کہا: "اس دشمن نے ہسپتالوں کو اجتماعی قبروں میں تبدیل کر دیا ہے اور ان میں طبی عملے اور مریضوں کو پھانسی دینے جیسے جرائم کا ارتکاب کیا ہے، ہم نے اس سطح پر دنیا میں کہیں بھی اسرائیلی دشمن کے گھناؤنے جرائم کے بارے میں نہیں سنا۔ 

یمن کے انصار اللہ کے رہنما نے مزید کہا: ناصر اسپتال کے اندر موجود اجتماعی قبروں کی شناخت سے یہ بات واضح ہوگئی کہ دشمن نے شہداء کے جسموں کو مسخ کیا اور ان کے جسم کے اعضاء چرائے ہیں۔

انہوں نے مزید کہا: دشمن بڑے پیمانے پر لوگوں کو بھوکا مار رہا ہے اور کمال عدوان ہسپتال روزانہ پانی کی کمی اور خوراک کی کمی کا شکار 50 بچوں کو داخل کرتا ہے۔

سید عبدالمالک بدر الدین الحوثی نے اس بات کی طرف اشارہ کیا کہ مغربی کنارے میں اسرائیلی دشمن کی جارحیتیں جن میں پھانسی، اغوا، تباہی، مکانات کو جلانا اور ان علاقوں کے مکینوں کو بے گھر کرنا شامل ہیں، ہر روز انجام پاتے ہیں، اور کہا: چھاپے اور ضبطی گزشتہ 80 برسوں کے دوران مغربی کنارے میں اسرائیلی دشمن کی زمینوں پر قبضے کی مثال نہیں ملتی۔

انہوں نے مسجد الاقصی پر آباد کاروں کے حملے کا ذکر کرتے ہوئے کہا: دشمن نام نہاد تعطیلات کو استعمال کرتے ہوئے مسجد اقصی پر حملہ کرنے اور اس کی اور نمازیوں کی بے حرمتی کرنے کی کوشش کر رہا ہے۔

یمن کی تحریک انصار اللہ کے سربراہ نے تاکید کی: فلسطینی قوم کے خلاف اسرائیل کے تمام گھناؤنے جرائم میں امریکہ اسرائیل کا ساتھی ہے، امریکہ محاصرہ، بھوک، قتل و غارت، تباہی اور نسل کشی کے جرائم میں شریک ہے۔ 

سید عبدالمالک بدر الدین الحوثی نے کہا: فلسطین کے خلاف جنگ میں امریکہ کا کردار ایسا ہے گویا یہ جنگ اس کی جنگ ہے۔

سید عبدالمالک بدر الدین الحوثی نے مزید کہا کہ انصار اللہ نے اوسطاً ہر دو دن بعد صیہونی حکومت سے متعلق ایک جہاز کو نشانہ بنایا۔

انہوں نے اپنی بات جاری رکھی کہ جب تک غزہ پر قبضہ اور اس کا محاصرہ جاری رہے گا بحیرہ احمر کے جنوب میں انصار اللہ کی کارروائیاں جاری رہیں گی۔

یمن کی انصار اللہ کے سربراہ نے اعلان کیا کہ ہماری بحری کارروائیاں جاری ہیں اور ہم بحر ہند میں اپنی کارروائیوں کو وسعت دینے کے خواہاں ہیں۔

سید عبدالمالک بدر الدین الحوثی نے بحیرہ احمر کے راستے امریکی بحری جہازوں کے گزرنے میں 80 فیصد کمی کا بھی ذکر کیا اور اسے ایک فتح اور ایک اہم کامیابی قرار دیا۔