غزہ میں صیہونی جرائم کے خلاف آسٹریلیا کی یونیورسٹی میں سینکڑوں طلباء کا احتجاج

غزہ میں صیہونی جرائم کے خلاف آج بروز جمعہ، آسٹریلیا کی ایک مشہور یونیورسٹی میں سینکڑوں افراد جمع ہوئے اور صیہونی حکومت سے متعلق کمپنیوں میں سرمایہ کاری کے بائیکاٹ کا مطالبہ کیا۔

پچھلے ہفتے، فلسطین کے حامی افراد نے آسٹریلیا کے اعلیٰ تعلیم کے بڑے اداروں میں سے ایک یونیورسٹی آف سڈنی میں کیمپ لگایا۔ یہ تحریکیں امریکی یونیورسٹیوں میں طلبہ کے احتجاج سے متاثر ہیں۔

اسی طرح کے کیمپ میلبورن، کینبرا اور آسٹریلیا کے دیگر شہروں کی یونیورسٹیوں میں بھی لگائے گئے ہیں۔

امریکی یونیورسٹیوں کے بر خلاف، آسٹریلیا میں مظاہرے پرامن ہیں، جہاں فلسطین کے حامیوں کے طلبہ کے احتجاج میں دو ہزار سے زائد افراد کو گرفتار کیا جا چکا ہے۔

آج، یونیورسٹی آف سڈنی کے 300 سے زائد مظاہرین کے ایک ہجوم نے صیہونی پراڈکٹ کا بائیکاٹ اور اسرائیل سے منسلک کمپنیوں میں سرمایہ کاری کو منجمد کرنے کا مطالبہ کیا، جو امریکہ، کینیڈا اور فرانس میں طلباء کے مطالبات کی بازگشت ہے۔

یونیورسٹی آف سڈنی کے وائس چانسلر مارک سکاٹ نے گزشتہ روز مقامی میڈیا کو بتایا کہ فلسطینی حامی کیمپس میں رہ سکتے ہیں کیونکہ امریکہ میں دیکھا جانے والا تشدد اس ملک میں موجود نہیں ہے۔