یمن کا بحیرہ احمر میں ایک امریکی ڈسٹرائر اور 2 بحری جہازوں پر میزائل اور ڈرون حملہ

یمنی مسلح افواج کے ترجمان نے کہا: ہم نے بحیرہ احمر اور بحیرہ عرب میں تین فوجی کارروائیوں کے دوران ایک امریکی ڈسٹرائر اور دو بحری جہازوں کو میزائل اور ڈرون حملوں سے نشانہ بنایا۔

یمنی مسلح افواج کے ترجمان بریگیڈیئر جنرل یحییٰ سریع نے اعلان کیا: یمنی مسلح افواج نے تین فوجی کارروائیوں میں بحیرہ احمر اور عرب میں ایک امریکی ڈسٹرائر اور دو بحری جہازوں کو نشانہ بنایا۔

انہوں نے کہا: امریکی ڈسٹرائر کو بحیرہ احمر میں بیلسٹک میزائل سے نشانہ بنایا گیا۔

بریگیڈیئر جنرل یحییٰ سریع نے مزید کہا: اس جہاز کی مالک کمپنی کی جانب سے صیہونی حکومت کی پابندیوں کی خلاف ورزی کے بعد یمنی بحریہ کے میزائلوں سے "کیپٹن پیرس" جہاز کو بھی نشانہ بنایا گیا۔

انہوں نے نشاندہی کی کہ مالک کمپنی کی جانب سے صیہونی حکومت کی پابندیوں کی خلاف ورزی کے بعد "ہیپی کونڈور" جہاز کو بھی ڈرون سے نشانہ بنایا گیا۔

یمنی مسلح افواج کے ترجمان نے کہا: ہماری کارروائیاں غزہ کی پٹی پر صیہونی حکومت کے جارحانہ حملوں کے خاتمے اور فلسطینی عوام کی ناکہ بندی کے خاتمے تک جاری رہیں گی۔