اسلامی معاشروں کو غزہ کے مسئلے میں اہم کردار ادا کرنا چاہیے

تقریب بین الاقوامی خبر رساں ایجنسی کی رپورٹ کے مطابق روس کے مسلمانوں کے مرکزی شعبہ کے سربراہ البر برگانوف، نے 38ویں بین الاقوامی اتحاد اسلامی کانفرنس کے افتتاح کے موقع پر تاکید کی ہے کہ غزہ میں اب تک 41 ہزار سے زائد فلسطینی شہید ہو چکے ہیں۔

ان کا کہنا تھا کہ یہ علاقہ ابھی تک محاصرے میں ہے اور یہاں کوئی دوا، پانی اور خوراک نہیں ہے اور مرد، خواتین اور بچے مظلوم ہیں۔

انہوں نے مزید کہا: "اسلامی معاشروں کو غزہ کے مسئلے میں اہم کردار ادا کرنا چاہیے اور عربوں اور مسلمانوں کو اس مسئلے کے حل کے لیے کانفرنسیں کرنی چاہئیں۔"

برگانوف نے کہا کہ: "ہمیں ایک دوسرے کے ساتھ مکالمے اور بات چیت کرنے کی ضرورت ہے۔ ایران اور سعودی عرب کے درمیان تعلقات کے خطے اور مسلمانوں کے درمیان اہم اثرات مرتب ہوئے۔ تمام مسلمان ایک دوسرے کے بھائی ہیں اور بھائی چارے کے پیغام کا اعلان کریں۔

انہوں نے اسلامی اقدار کا پیغام پیش کرنے، علمی تعاون، مختلف تقریبات اور کانفرنسوں کے انعقاد اور مسلمانوں کے درمیان مکالمے کے لیے اسلامی طلباء کو اکٹھا کرنے پر بھی زور دیا۔

آخر میں روسی مسلمانوں کے مرکزی شعبہ کے سربراہ نے پیغمبر اسلام کی حدیث کا حوالہ دیتے ہوئے کہا کہ اگر ہم متحد ہو جائیں تو تمام رکاوٹوں کو دور کر سکتے ہیں۔