حزب اللہ کے نئے سیکرٹری جنرل کے انتخاب کے بعد حماس اور اسلامی جہاد تحریک کا مبارکبادی پیغام

حماس اور فلسطین کی اسلامی جہاد تحریکوں نے "شیخ نعیم قاسم" کو لبنان کی حزب اللہ کا سیکرٹری جنرل منتخب ہونے پر مبارکباد دی ہے۔

منگل کے روز المیادین نیوز چینل کے حوالے سے تقریب خبررساں ایجنسی کی رپورٹ کے مطابق فلسطین کی اسلامی مزاحمتی تحریک حماس نے شیخ نعیم قاسم کو لبنان کی حزب اللہ کے سیکرٹری جنرل منتخب ہونے پر مبارکباد پیش کی ہے۔

اس بیان میں کہا گیا ہے کہ شیخ نعیم قاسم کا حزب اللہ کا سیکرٹری جنرل منتخب ہونا ظاہر کرتا ہے کہ لبنان کی اسلامی مزاحمت اس کی قیادت کے ڈھانچے پر لگنے والی ضربوں سے نکل چکی ہے۔

حماس نے مزید کہا: ہم حزب اللہ کی نئی قیادت کے ساتھ کھڑے ہونے پر زور دیتے ہیں اور ہم اللہ تعالی سے جہاد اور مزاحمت کے راستے کو جاری رکھنے میں اس کی مدد کے لیے دعا گو ہیں۔

فلسطین کی اسلامی جہاد تحریک نے بھی ایک بیان میں اس انتخاب کو مبارکباد پیش کرتے ہوئے مزید کہا: شیخ نعیم قاسم کا حزب اللہ کے سیکرٹری جنرل کے طور پر انتخاب لبنان کی اسلامی مزاحمت کی طاقت پر تاکید ہے۔

 چند گھنٹے قبل لبنان کی حزب اللہ کی قیادت نے شیخ نعیم قاسم کو لبنان کی حزب اللہ کا سیکرٹری جنرل منتخب کرنے کا اعلان کیا تھا۔