عراقی مزاحمت کا شام میں گولان اور غور اردن میں ڈورن حملہ

عراق کی اسلامی مزاحمت نے شام کے مقبوضہ گولان کے علاقے اور اردن کے علاقے غور پر اپنے ڈرون حملوں کا اعلان کیا ہے۔

تقریب کے مطابق عراق کی اسلامی مزاحمت نے اپنے بیان میں اعلان کیا ہے کہ غاصبوں سے لڑنے، فلسطینی اور لبنانی عوام کی حمایت اور خواتین، بچوں سمیت عام شہریوں کے خلاف صیہونی حکومت کے جرائم کا جواب دینے کی پالیسی کو جاری رکھنے کے فریم ورک میں عراقی اسلامی مزاحمت نے ڈرون حملے نے مقبوضہ گولان کے علاقے میں ایک اہم مقصد حاصل کیا ہے۔

ایک اور بیان میں عراقی مزاحمت نے اعلان کیا کہ اسی تناظر میں وادی اردن میں ایک اہم ہدف کو ڈرون حملے سے نشانہ بنایا گیا ہے۔

ان دو بیانات میں عراق کی اسلامی مزاحمت نے صیہونی دشمن کے ٹھکانوں کے خلاف اپنی کارروائیوں کو جاری رکھنے اور اس میں شدت پیدا کرنے پر تاکید کی ہے۔

چند گھنٹے قبل صہیونی ذرائع نے اطلاع دی تھی کہ مقبوضہ جنوبی گولان کے کئی علاقوں میں ڈرون کی دراندازی کے خوف سے خطرے کی گھنٹیاں بج رہی ہیں۔

اسرائیلی فوج نے یہ بھی اعلان کیا کہ اس نے ایک مشتبہ فضائی ہدف کا مشاہدہ کیا ہے جو مشرق سے گولان کی پہاڑیوں میں داخل ہوا تھا۔

بعض دیگر صہیونی ذرائع نے اعلان کیا کہ ایک ڈرون شام سے مقبوضہ گولان کے علاقے میں داخل ہوا اور اس علاقے کے آسمان میں کچھ دیر کے لیے اڑتا رہا اور پھر کھلے علاقے میں بغیر کسی سراغ کے پھٹ گیا۔

گذشتہ چند مہینوں میں عراق کی اسلامی مزاحمت نے مقبوضہ فلسطین کے مختلف علاقوں میں حساس اور اہم اہداف کو نشانہ بنایا ہے جن میں ایلات کی بندرگاہ، شام کے مقبوضہ گولان کا علاقہ اور وادی اردن شامل ہیں۔