محترمہ معصومہ نقوی کی جانب سے بزرگ عالم دین پر تشدد کی مذمت

مجلس وحدت مسلمین شعبہ خواتین کی مرکزی صدر نے کراچی دھرنے میں بزرگ عالم دین پر پولیس کی جانب سے تشدد کی شدید الفاظ میں مذمت کی ہے۔ 

تقریب نیوز: مجلس وحدت مسلمین شعبہ خواتین کی مرکزی صدر سیدہ معصومہ نقوی نے کراچی دھرنے میں بزرگ عالم دین مولانا حسن ظفر نقوی اور دھرنے کے شرکاء پر سندھ پولیس کے تشدد کی شدید مذمت کرتے ہوئے کہا کہ سندھ حکومت نے پر امن احتجاج کے شرکاء پر تشدد کرکے دھرنے کو منتشر کرنے کی ناکام کوشش کی ہے۔

انہوں نے کہا کہ مظلومینِ پاراچنار کے حقوق کے لیے آواز بلند کرنا اتنا بڑا جرم بن گیا ہے جو سندھ پولیس نے علمائے کرام کا احترام بھی نہ کیا۔

انہوں نے مزید کہا کہ حکومت اگر اس یزیدی طرز حکمرانی کو اپنائے ہوئے ہے تو ہم شیعیان حیدر کرار بھی پاراچنار کے معصوم بچوں کی زندگی اور امن کے لیے دنیا بھر میں اس احتجاج کے ذریعے اپنی آواز کو پہنچائیں گے۔