ایران نے کبھی ٹرمپ کو قتل کرنے کی کوشش نہیں کی

ایرانی صدر پزشکیان نے کہا ہے کہ ایران نے کبھی ٹرمپ کو قتل کرنے کی کوشش نہیں کی۔

ایرانی صدر ڈاکٹر مسعود پزشکیان نے کہا ہے کہ صہیونی حکومت اور بعض دیگر ممالک ایران کے خلاف نفرت کی آگ بھڑکانے کے لئے ایران پر ڈونلڈ ٹرمپ کے قتل کی کوشش کا الزام لگاتے ہیں۔

انہوں نے غیر ملکی ٹی وی چینل کو انٹرویو دیتے ہوئے کہا کہ بعض مغربی ممالک کے الزامات کے برعکس ہم نے ٹرمپ کو قتل کرنے کی نہ کبھی کوشش کی ہے اور نہ کریں گے۔

انہوں نے کہا کہ ایران پر مذکورہ الزام اسرائیل اور بعض مغربی ممالک نے لگایا ہے تاکہ عالمی سطح پر ایران کے خلاف نفرت پیدا کی جائے۔

یاد رہے کہ ڈونلڈ ٹرمپ دوبارہ امریکہ کے صدر منتخب ہونے کے بعد آئندہ چند دنوں میں وائٹ ہاؤس میں اپنی ذمہ داریاں سنبھالیں گے۔